ساہدارانی واڑ (Animal Farm) - رجانک: آصف بلوچ

 

 کتاب ءِ انگریزی چمشانک :وسیم بلوچ

رجانک: آصف بلوچ 

کتاب ءِ نام  : ساہدارانی واڑ (Animal Farm)

نبشتہ کار : جارج اوروِل

ساہدارانی واڑ (Animal farm) انگریزی ءِ یک کسانیں گِدارے۔ اے گِدار نامداریں  نبشتہ کار جارج اورول ءَ نبشتہ کُتگ۔ بُنکی ءَ ما گْوشت کنیں کہ اے  گدار  19میں کرن ءَ بگر داں  20 می کرن ءَ وھد ءِ یورپ ءِ راجکاری جاورانی ( سیاسی حالاتانی)  یک پدریں اکسے پیش دار ایت ۔ نبشتہ کار جارج اوروِل ءَ اے نوشت ءِ توکا جاورانی شری ءَ پوہ کنگ ءِ واستہ یک مالی / ساھداری واڑے ءُ آئی ءِ توکا بندیگیں ایں ساھدارانی  یک ھیالی ندارگے پیشدار اِت اَت ۔ آئی ءَ ساہدارانی واڑ ءَ یک ملک ءِبستار  ءَ زرت ات  ءُ  اے ملک ءِ سیاستداں ( راجکار) و راج  ءَ ساہدار  گْوَشْت ات۔ اے گدار ءِ کِسہ چوش انت  کہ واجہ جون  نامیں مردے آ ہمے مال واڑ / ساھدارانی واڑ ءِ واجه (واژھا ) ایں  اے واڑ ءِ تہا کچک، سووّر (ھوک / ہیک ) اپس (horse)، پِشی، پس، ھر ءُ وڑ وڑیں ساہدار مان انت۔

بلے اے ساہدار وتی مستر جونز ءَ چے وش نہ انت،  پرچہ کہ آ وتی اے واڑ اِتگیں ساھدارنی  شریں وڈے ءَ ھیالداری  نه کنت ءُ وتی وشحالیں زند ءَ گوں بے سُد ایں ، ساہداران ءَ وھد ءِ سرا  کاہ (ورگ ) نہ رس ایت ءُ ایشانی واڑ ءِ سربُری بہر  ھم اشانی سرا  نوں کپگ ءِ وڑا انت۔ بلے انگہ تک جونز ھچ کنگ ءَ نہ انت ایشانی واستہ۔

ساھدارانی نیامہ یکے انچیں  زنڈیں /مزنیں ،  میجر نامیں   سُورے ( ھوکے) هم است ایں ۔ میجر تِکا ( تیز) دماگیں ءُ سَک پوہ ایں ساھدارے  آ نوکیں ھیالاں ودی کنت ءُ دیگر ءَ چے باز جتائیں سوچ  و پیم  دار ایت ۔ ءُ آ ہمک پہر (ساھت ) ء َ ہمے  جھیڑگ ءَ بیت  کہ من وتی سنگتانی واستہ ءَ واڑ ءِ تہا  چوں مٹ ءُ بدلی آڑت کناں ؟۔

میجر  وتی ہمے ھیالاں گوں وتی دیگیں سنگتاں  سر ءُ بہر کنت ۔ ساہداراں جنزان (mobilize) کنگ ءِ جهد کنت  کہ مارا  وتی واژھا/واجہ (مالک) مسٹر جون ءِ ھلاپ ءَ توار چست کنگی انت  ، که اشی ءَ انگت تک مئے واستہ ھچی نه کرت اَت ۔ مارا ایشی ءِ ھلاپ ءَ اوشتگی انت ءُ وتی ھک ءِ واستہ ایشی ء گوں مِڑائی  (مقابلہ) کنگ لوٹیت۔ مارا چے  ابید آ ھچ ءِ نہ اِنت  ۔ اشی ء چے آجو بوگ ءُ مارا وتی سرکار/ واکداری  جوڑ کنگی انت۔ داں چُنت سال ءَ ما داں اے وڑ ء زند گوازینت کنیں۔ ما سجائیں انسان ءِ جوڑ کرتگ ایں زندان ءَ بند ایں۔ اے سجیں پیریں میجر ءِ ھیال بوتگ انت کہ آئی ء وتی راج (بزاں کے) ساھدارانی دیم ء آورتگ انت ۔

انچوش ما گندیں کہ اں سجائیں لوڈ بنت ءُ  یک تران ءُ یکمشت بنت  ہمے ڈول ءَ  مسٹر جون ء جن انت ءُ  واڑ ءَ چے ڈن ء  لگت کن انت ءُ ڈھور/دؤر دینت ۔ ءُ نوں واڑ ءِ سجائیں مستری (بادشاہت) ساہدارانی وتی جندءِ دست ء  کئیت ۔  

  ہمے وڈا ساھداراں وتی جہد ءُ مڑائی  ءِ سبب ءَ جون ءِ سجائیں ناروا ایں  مستری  ءَ چے وتارا آجو کت ات ۔ جون پدا یک رندے وتی لہتیں سنگتاں زوریںت ءُ واڑ ءَ کئیت کہ من وتی مستری ءَ یک برے پدا زور آں بلے ایشی ءِ سجائیں سوج (plains ) بے سوب بنت  ءُ کار کنگا یل کنت روت ۔

 پدا ساہدار ھمے پیسلہ کناں کہ " وتی تہا (وتار په وتار چے) "  یک واڑ ءِ راھشونے گشین / گچین کنیں ، ءُ ہمے راھشونی ءِ ھاتر  ءَ دو سووّر  ( ھوک) دیما کئیت گچین کاریءِ واستہ۔ یک ہِیل وندے (امید وارے) نام  سنو بال ات ، آ سکیں  اُشاریں ، ایمنی لوٹوکیں ءُ کار کنووکیں راجکار اَت  ءُ آںہی‌ ءَ وتی اے دیگر سنگتانی واستہ ھم جوانی لوٹ اِت ۔

  ءُ دومی نیمگا نپولین  نامیں  باز تَکڑا ءُ  تَر زبان ایں ، ساہدارانی زہن  ءَ سک چالاکی ءَ گوں وتی وڈا کنوکیں ھوکے (pig اے)  اوشت ایت ۔ آں براوری ءُ دیم روئی ءِ گپ ءَ کنت۔ ءُ ساھدار  اشی گپانی سرا باور کن انت ءُ اشی ء  (نپولین ءَ ) ھدا ءِ پیامبر لیک انت ۔

  پدا ما گندیں کہ نپولین وتی سنگت  "اسکوائر"  ءِ زانت ءُ پندل آں چے گچین کاری ءَ سوبمند بیت ءُ نوکیں راشون جوڑ بیت۔

  وھد ءِ کہ نپولین تاکت ءَ کئیت گڈا آں دیگے سیاست دانانی وڑا وتی لوٹ ءُ مکسدانی یک چِٹے /  چارٹرے (charter) ءِ دیما دنت مہلوک ء پیشدار ایت ءُ مہلوک ء باور کنائیں ایت که من دیمروئی ءُ آشوبی کاراں په شما کناں۔ 

  ایشی ءِ چارٹر(charter) ءِ تہا ھپت راھبند بنت۔  بلے گڈّی راهبند باز جوان اَت ، آں راھبند ایش ات کہ سرجمیں ساہدار یک ھساب ء  انت یعنی که ہر کس ءِ ارزشت براور‌ ایں ۔

  اشی ءِ  ہمے گپانی سبب ءَ ساھدار سنوبال (SnowBall) ءَ چے گیش اشی ءِ  منوگر بنت کہ اے مرد مئے شر تر ایں راھشون انت مارا په وشی ، دیمروئی ءُ براوری لوٹ ایت ۔ سجائیں ساہدار دیگے یکی ءَ چے آئی ءِ سرا گیشتر باور کن انت۔ بلے زوت راشون جوڑ بئیگ ءَ رند اے وتی بازیں کول ءُ کرار ءَ چہ بیہال بیت ءُ سرجمیں وھد ءَ شراب ورگ ءُ وشی آں گوازین ایت۔

  ءُ دومی نیمگ ءَ سجائیں ساہدار ایشی واستہ روچ ءُ شپ کار کن انت۔ آ ایشاں  ءَ ورگ ھم نہ دنت۔

  لہتیں روچ گوازگ ءَ رند آ گڈاں سنو بال ءِ لیکہ ءِ سرا کار کنگ ءَ لگئیت۔ آ ایشانی واڑ (farm) ءِ تہا کار ءِ ارزانی ءِ واستہ لین ءِ ودی کنوکیں ونڈ ٹربائن wind) turbine) جوڑ کنگ ءِ ھکم دنت۔ ءُ گڈاں گریبیں ساہدار ونڈ ٹربائن (wind turbine) اڈ کن انت۔

 

  اودا یک بزگر ءِ ھم است ات  آئی نام فریڑرک ات۔ اے گوں وتی ھمراہ آں ھوار واڑ ءِ سرا اُرش کنت ءُ ایشی ءَ دزگیر کنگ ءِ جھد ءَ کنت۔ بلے سجائیں ساہدار فریڑرک ءِ ھلاپ ءَ  پدا جنگ کن انت ءُ جنگ ءَ سوبمند بنت۔ بلے اے ارش ءِ سوب ءَ ونڈ ٹربائن شگالی بیت۔ ءُ یک اپس ءِ  ٹپی ھم بیت ،  آئی ءِ نام بوکسر ات ۔

  بوکسر ھما ساہدار آنی تہا یکے ات کہ آئی ءَ ونڈ ٹربائن ءِ جوڑ کنگ ءِ واستہ باز کار کتگ ات۔ پدا نپولین بوکسر ءَ زوریںت ءُ دیم پہ تبیب (doctor) ءَ رؤت بلے راہ ءِ دیما بوکسر ءَ زوریںت ءُ ھِلار اِش کنت ءُ دیگرانی دیما دروگ بندیت کہ بوکسر وت مُرت اَت۔ 

  دیگہ وتی ہماں چارٹر (charter) ءِ تہا رد ءُ بدلی کنت ءُ نبشتہ کنت کہ سرجمیں ساہدار برابر انت بلے لہتیں ساہدار گیشتر برابر انت۔

  نوں مسٹر جونز ءِ زمانگ ءَ چے گیشتر  ساھدارانی زند ھراب تر بیت۔ نپولین واڑ ءَ چے ڈن ءَ در کئیت ءُ رؤت شراب واری کنت ءُ وتی وشی ءِ ھاترا کلب آں (clubs) روت۔ اوں اے مزیت ھمے مردمانی گوما بیپار / واپار ءَ بندات کنت کہ ہما آں ساری ءَ شگان جت ایشی ءَ ءُ ھبر دات ئے ۔ ھماں مسٹر جون ءِ مردماں گوں سیادی کنت ءُ وتی راج ( ساھداراں ) چے بے حال ءُ گِسر بیت۔

  ھمے سجائین آں چے ابید نپولین وت هم بادشائی داب ءِ زند گوازین ایت ءُ اں دیگے ساہدار یک ساہدارے یے بستگیں زندان ءَ گوں (بدایمنی ) ءَ زند گوازینگ ءَ بنت۔

  کتاب ءِ گڈّی سر ءَ نبشتہکار اے کتاب ءِ یک انچیں نکشایے / ندارگے  جوڑ کنت کہ نپولین وتی سرجمیں واھشت آں پیلَو (پورا) کنت۔ بلے دومی نیمگا لس ساہدار آں مرّگ ءِ واستہ انچوش یل دنت۔ پرچہ کہ آیانی کِرا ورگ ءِ واستہ ھچ ورگ نہ بیت ءُ آ بازیں نادْراھی آنی سبب ءَ ناجوڑ بنت۔  نادراہی آنی سوب ءَ بازیں مِر انت ھم ۔

  من وتی جند ءِ پٹ ءُ پول ءَ چے کتاب ءِ مکسد ءَ پھمگ ءِ واستہ لہتیں شون پٹ ِاتگ انت آں ایش انت۔

  پیریں میجر من ھمے پھمتگ کہ کارل ماکس انت کہ آ وتی ھَکاں ءُ زمہ واریاں چے سرپد بوگ ءِ واستہ مردمانی تہا آگاھی دنت۔ سنو بال یک زہین ءِ سیاست داں ءِ ءُ آ گوں ھک ، ستک ءُ دل ءَ گوں مردمانی واستہ کار کنگ لوٹیت۔

  بلے آ گچین کاری ءَ سوبمند نہ بیت پرچا کہ دروگ بندگ نہ زانت۔ آ چاگرد ءِ تہا یک وپاداریں سیاسی باسکے ئے ھساب ءَ گندگ ھم بیت۔ اشی ءَ چے ما همے آنسر کش ات کنیں که گلام ءُ  گلام بوتگیں راجاں وتی مزن ءُ سروکانی گِشین کنگ ءَ سک پھمگی انت ، ھشکیں گپانی سرا ھچ وڈا باور کنگی نه انت ۔

  نپولین یک پَلیت ایں زہیں ایں  راجکارے‌ ( سیاست دانے)، چالاک انت، دروگ بند ایت  اوں مردمانی زہیں آں گوں گْوازی کنت۔ ءُ پدا مردمانی زہیں سازی  کنت گوں وتی دروگیں کول ءُ کراراں ۔ نا سرپدیں راج (لس ساھدار) اشی دست ءَ پرامگ ( ریپینگ ) بنت ، ہمے وڈا اشانی ھلاسی جهد وتی مکسد ءَ سر نہ بیت ، چُڑا ( بس) اشانی مالک مٹ بیت ساری ءَ مسٹر جون ات تا نوں   نپولین  ! ساری یک دیگہ دروشمے ءَ ساھدارے یعنی انسانے اشانی واجہ ات ءُ نوں اشانی وتے وڈیں  یک ساھدارے ھوکے اشانی واجہ بوت ات ۔ بس اشانی ھَکی ایں منزل پلگ بوت ات ، اشانی نه سرپدی ءُ وتی آنی راج دروہی سوب ءَ۔ "اسکوائر"  ( نپولینءِ کمک کار ) مردمانی تہا دروگیں ھبرآں شِنگ کنت۔ اے نپولین ءِ نزدیک ایں ھمسلا انت۔ اے وڑیں مردم ھرچ سرکار ءِ تہا دست کپنت۔ آ ھمے مردمانی مستری کنت کہ ھر وھد ءَ گشنت کہ سرکار شریں کار کنگ انت ، اے کدی ھم سرکار ءِ بدکاریانی سرا دست چست نہ کنت ءُ نه دست برز کنوک آں کِل‌انت ۔

  باکسر یک کار والا لس مردم ات ۔ آں راج ءِ واستہ ھرچ وڑیں نگیگی ءُ ڈُک/گم آں  سگّ ایت  بلے گڈّی ءَ آئی ءَ را ھچ نہ رس ایت۔  باکسر بوت کنت یک دِھکان ات، یا کہ نِگھپان (watchman) ات ،  یا کہ ھم ءُ روچ پہ پگار ءَ کار کنت  ، باکسر ءَ ما یک راج ءَ په سر دیوکیں سرمچارے هم گْوَشت کنیں که راج ءِ باندات ءَ په ندر بیت ۔  اے ھماں مردماں کہ وتی جند ءُ زند په راج ءَ کربان‌کناں پدا اے نہ گند انت کہ گوں ما‌ چے بیت؟ ۔بلے اگاں راجے سروک وشی ءَ گچین مباں گڈا باکسر وڈیں ہزاریں  راجدوستانی ھون  بے فائدگ ءَ نہ رؤت ۔

  اے کتاب ءَ را من وتی شِیر ءُ شکر ایں شھدیں زبان ءِ تہا بنکی سوج ءُ کِسوئے رجانک کنگ ءِ کوشست کرت ات۔ ایشی ءِ بنکی سوج ءُھیال (theme ) لہتیں گپانی رند پدی ءَ کنت۔ 

  ایشی تہا سَسّا بس یکیں ھمیش اِنت کہ پیریں میجر سجائیں ساہدار آں ایشانی راه ءَ پیش داریت۔ ساھدار اِشی سروکی ءَ درآمد ءَ ھلاسی گر انت بلے توکی ایں دروه کور ءُ راج واپاری  اشی جھد ءَ ھکی ایں منزل ءِ رسگ ءَ چے ساری ءِ وتی زاتی سُکھ ءُ سانجھانی بدل ءَ بے حال  کن انت ءُ راج ھشک ءَ سر کپ ایت ۔

  ایشی ءَ چے ابید اے کسانیں گِدار ءِ تہا سِلکاری (corruption) ھم پیش دارگ بیتگ۔ سیاست داں ھمے گُش انت کہ ما شما را ھر چیز دئیں بلے گڈّی ءَ ھچی نہ دینت۔ انچوش کہ نپولین ءَ وتی راجکاری لوٹ ( سیاسی مهم / ورک) ءِ تہا گوشتگ ات کہ سجائیں ساہدار آنی واستہ آزات ایں  زمین ءِ بیت ءُ ھر کس برابر انت ءُ ھر کس ءَ را برابری ءَ چارگ بیت۔ بلے ما آنسرا  دیست ات کہ ھکیکت  ءُ راستی ءَ ایشی ءَ ساہدار آنی واستہ ھچ نہ کرت ات ءُ وتی جندی زند آسودگ کرت ات دژمناں گوں سیادی جوڑینت ات ، ایشی ما گوشیں سِلکاری راج ءِ ریپینگ ءُ بہا‌کنگ راه ءَ چے رد دیئگ ۔

  مکَر (پریبی) اے گدارءِ تہا گندگ بئیگ ءَ انت۔ سیاست داں گِھتری واستہ اَھد کن انت۔ بلے آ سرکار ءَ کاینت گڑاں ھچ نہ کن انت۔ ایشی ءِ متلب ھمیش اِنت کہ آ تھنا وتی مکسد ءِ واستہ کن انت۔ بزگیں مھلوک ءِ واستہ اِناں۔

  گچین کاری ءَ چے پیسر آ ھر وڑیں ھرابی آں ءَ شر کنگ ءِ کئول کن انت۔ بلے وھد ءِ کہ گچین کاری ءَ سوبمند بنت گڑاں وتی بہر ءَ زور انت  لانچ ءَ توپانانی تہا یل کن انت ءُ تچ انت۔

 اے دروہی آنی کار  لوٹ مار و مڈی جوڑ کنگ انت۔ جمع وڈیں دروگیں  سیاست داں تھنا بس لس مھلوک ءِ لوٹ مال ءَ کن انت۔ اں راج ءِ وپادار نہ انت انچو کہ لس مردم انت۔

دلگوش :: راج ءَ په بائد ایں که راج بہا کنوکیں گپتاری سروکانی  دست ءَ ریپینگ مبے ات ، اشاں پجا بیار ات ۔ ءُ وتی راست ایں دوزواھاں ھچ وڈا یل مدئیت ، وھدے که شما حقی ایں دوزوہ و راجدوست آں یل کن ات گڈا ہمے وڈا شمے سرا نپولین ءِ وڈیں دروگ بندیں وت جوڑیں  سروک  سوار بنت ءُ شمے ھون ءُ کربانی آں بها کن انت وتی محل ءُ ماڑی آنی آسراتی جوڑ کن انت ۔