تاریخ قلات بلوچ قوم وبلوچستان کے پس منظر میں (زمانہ قبل از تاریخ تا حال)

کتاب :   تاریخ قلات بلوچ قوم وبلوچستان کے پس منظر میں

(زمانہ قبل از تاریخ تا حال)

تحقیق و تصنیف :   محمد حنیف قلاتی 

معاون ومصنف و محقق :  محمد یونس مینگل

براہوٸی مٹ و جاچ :   اختر بلوچ 

دا کتاب ئٹی مصنف حضرت آدم علیہ السلام نا زمانہ و پُوسکنا دور ئِسکان مروکا واقعات و حالات آتے نوشتہ کیک، قلات ٹی مروکا واقعات,حالاتاک و بلوچ قوم ئنا مخلوق آ انت گدرینگانے و انت زیم تمانے۔ہندا دیہاڈی واقعات آک بنداغ آتے آ سماج ئٹ, کاروبار و گدریفوکا زندگی ءَ اخس زیم شاغار۔ دا کتاب ئٹ قلات و بلوچستان ئٹ جلہوکار آک و قوضہ گیر اونا زی آ حکومت کروکا , شہنشاک, بادشاہ او خان آک پین قلات نا بارو ئٹ نوشتہ کننگ نا کوشست کرینو۔پین ہرا قوماک، ثقافت آک، بلوچ قوم ئنا اونا نسل ئنا , بلوچ وخت ئنا, بلوچ ہراکان بسُنے بلوچستان آ ہراتم بسُنے,داڑان بید ئس مُتکن ئنگا  تہذیبی آثار آتا بارو ئٹ دُنکہ مہرگڑھ, موہنجودڑوں, نیز توغو, نیچارہ, انجیرہ قلات و کلی گل محمد کوئٹہ و پین بلوچستانی ثقافت آتا باروٹ دُنکہ بھاز آ تاریخ نا عُلماء تا گُمانے کہ دا ثقافت آک حضرت آدم علیہ السلام نا وخت/زمانہ تون مِلِرہ۔ 

قلات و بلوچستان آ حکومت کروکا بنداغاک(خاندان آک , قوم آک ,وغیرہ)

سکندراعظم نا سپہ سالار "سیلوکس" نا 326 ق م  ٹی قوضہ مس۔  پدا

چندر گپت موریا 322 ق م ,  ساکا خاندان 130 آن 140 ق م , پدا ملک بہرام گورمانی کوشانی بادشاہ "دیری رام" 5 صدی عیسوی ٹی دوصد(٢٠٠) سال اونا خاندان سندھ و بلوچستان,  سندھ ئنا حکمران راۓ چچ  235 ق م ,  عرب حکومت 710 آن 976 ٕ (266 ) سال گڑاس پین ہندا وخت ئٹی خلفاۓ راشدین و امُوی و عباسی حکمران آک حکومت کریر ,   پدا  یعقوب بن لیس صفاری ,  سلجوقی, دہمی صدی نا آخر ئٹی نصیرالدین سبکتگین غزنوی ,   غوری خاندان ,  

1219ٕ ئٹ سلطان محمد خوارزم ١٣ صدی ,  1223ٕ چنگیز خان منگول او نا مار چغتاٸی ,    1236ٕ التمش , ولدا منگول ,  1383ٕ امیر تیمور نا دوٹی بس سلطنت، ہموتم بلوچستان ءِ نواسہ پیر محمد نا حوالہ کرے ,  1740ٕ سلطان شاہ حسین شاہ ,    1666ٕ  میرواڑی بلوچ اونا شاخ احمدزٸی ,1839 انگریز حکومت کرے قلات آ۔

11 اگست 1947 بلوچی حکومت,   آخر ئٹ 1948 آن اینو ئِسکان پاکستان نا حکومت ءِ بلوچستان آ۔

 جتا ئنگا وخت آتیٹی قلات نا پِن آک دُن اسرہ  دُنکہ  طوران ءُ توران،  ساراوان ءُ جھالاوان نا مُتکنا پنکو,  بنجیر ,  پکٹاٸیکے(Pakty ke ) یونانی دور ئٹی قلات نا پن آکو ,  آراچوسیا/ درنگانیا/ ملوحہ ساراوان علاقہ ءِ و جھالاوان ءِ آراکوشیا/ آلہ چوسیا  پاریرہ , کی کیانگ قلات ءِ کی کیانگ ءِ ایلو پن ئٹ آراکوسیا پاریرہ , پاراپومی سداۓ اسہ وخت ئس یونانی دارالخلافہ ئٹ قلات  پاراپومی سداۓ(para pomi sadae) / آرتاکونا (Arta kona) و پارکونی نا پن ئٹ چاہنگاکہ , پین کیزکانان, کیزکان,توران,بہرج,کوپایہ,کوہستان,قیقان,گہگان,قلات وغیرہ نا پن ئٹ بلوچستان و قلات چاہنگاکہ۔

توغو, انجیرہ ,گزگ, نیچارہ قلات نا ایلو ثقافت آتا بابت ئٹ معلوم مریک کہ توران/طوران ئٹ آبادی نا بنا آدم علیہ السلام , نوح علیہ السلام نا وخت تون خڑک ملرہ۔ حام،سام،یافث نا اولاد آتیان ہرا وختی ہمپ و بٹ کریر او حامی نسل آن ءُ۔ ہرا پدان تینا جہی علاقہ غان پیش تمار او "تورانی" اسُر۔اسہ شاخ ئس آذرباٸیجان,ہمدان گیلان ئٹ جہی مس اوفتے تاریخ ئٹی "ماد" پاننگک۔ پدان تورانیک بابل آ بسر۔ طوفان نوح علیہ السلام  آن پد دنیا نا بھلّا حکومت "بابل" ئس۔اوَلسر ٹی عرب,شام,مصر,ایران و توران(قلات) ئسکان سیم تا ئسّک ۔ توران سلطنت بابل آن مُست ساراوان,جھالاوان ئٹ ہم آدم نا اولاداک آباد اسُر۔بابل حکومت جوڑ مننگ نا وخت آ سلطنت "توران" نا صوبہ/علاقہ نا پن آک دُن اسر۔  ١۔ بنجیر(سراوان)   ٢۔ کوہسار(جھالاوان)    ٣۔ ستاریل (لسبیلہ) ۔

تاریخ مردوخ, تاریخ ایران باستان و ایران نا دہ ہزار سال مُست ئنا دیہاڈ ئٹ بلوچستان نا " توران ۔ مکران" نا پِنک ملِرہ ۔ گڑاس قلم کاراک و آغا نصیر نوشتہ کیرہ کہ  توران ئٹ سلطنت نا بُنداو ءِ "ایپتان توران ترک" توران(ساراوان و جھالاوان) ئٹ تخا ولدا توران نا بادشاہ آفراسیاب تورانی نا ذاب سامی ایرانی تون جنگ مریک ہنداڈے آفراسیاب یافثی خلنگک۔  قصدار و گنداوہ ہم بھلو شار ئسر توران نا۔

      پین عرب تاریخ نا مطابق حضرت عبداللہ بن سوار قہقان آ اِرا  وار جلہو کرے راجہ قہقان نِزور شکست کُنگ پدا راجہ  اسہ تحفہ ئس تس ہرا آدینک ءِ آدم(آٸینہ آدم علیہ السلام) ئس پارہ کہ اللہ پاک دادے آدم علیہ السلام کن شیف کرے تاکہ آدم تینا اولاد آتے ہراڑے و انت حال تا مرے او اوفتے خنے۔

عبداللہ بن سوار ولدا حضرت معاویہؓ , اموی خلفإ و پدا بنو عباس نا دوئی مَس۔ قلات نا دا واقعہ 48ھ ٹی مَس۔  پارہ اللہ پاک آدم ءِ جنت آن شیف ہندوستان آ دڈفے  ہمو وخت آ عرب آک بلوچستان ءِ ہم ہندوستان پاریرہ۔ قلات ئٹ مسلمان آتا کمک کن  فرشتہ غاک بسُر حضرت سنان بن سلمیؓ نا دور ئٹ ہرا جلہو کرے قلات آ۔ پین مُست روایات آتے ئٹ پارینو کہ خلق رودنجو، اسکلکو، توک، نیمرغ ٹی پین چندی چشمہ غاک ئسر ہراڈے داپار ایپار ئٹ مخلوق  جہی ئس۔  باغاک و کاریز آک مستونگ ئٹ ہم ئسر۔  پین عرب دور ئٹی پارہ کہ سیاہ سوار جٹ بلوچ سپہ سالار ایران نا سربراہی ٹی مسلمان مسُر ایلو قبیلہ غاک سیابجہ، اسوار،مید، پین چندیک حضرت موسی اشعری تون ہوار اونا ساڑی گری ٹی مسلمان مسر۔عرب دور ئٹی حضرت عمر مکران ئسکان قوضہ کرے۔ ولدا حضرت علی نا عہد خلافت ئٹ قیقان( قلات) آ قوضہ نا لڑ بنا مریک۔

 

 حضرت علی نا وخت ئٹ قیقان(قلات) بلوچستان آ عرب سپہ سالار آتا پِنک دُنکہ:

1۔حضرت حارث بن مرہ العبدی(R .A) . 38تا 42 ھ۔

2۔حضرت تاغر بن دعر( R.A)  38 ھ۔

3۔ حضرت راشد بن عمر وعبدی الجدیدی ۔  43ھ

4۔ حضرت سنان بن سلمہ (R.A)

5۔ حضرت سنان بن سلمی (R.A) ارٹمی وار  47ھ آن گُڈ

6۔ حضرت عبداللہ بن سورالعبدی (R.A)  56ھ

 

علوی و اموی دور ئٹ قلات ئٹ شہید مروکا سپہ سالاراک دنکہ: 

1۔  حضرت حارث بن مروہ 46ھ (مجاہدین،صحابی و تابعین ہم اوار اسُر۔)

2۔ حضرت راشد بن عمروالجدیدی 43ھ۔

3۔ عبداللہ بن عبداللہ بن معمرقرشی 50ھ 

حضرت عبداللہ بن سوارالعبدی 47ھ (پین مجاہدین )۔

     مچ ءِ پدا عباسی دور بریک۔   ولدا اوکان پد  خلیفہ ابو جعفر منصور نا عہد ئٹ بلوچسان و سندھ نا امیر(حکمران) مسنو ارا 132 تا 158ھ (754ء) بیست ءُ یک سال دہ تُو حکومت کرینو دنکہ۔

عینیہ بن موسی بن کعب،  عمر بن حفض ہزار مرد مہلبی،  جمیل بن صخر مہلبی،  ہشام بن عمرو تغلبی التغلبی،   بسطام بن عمر و تغبلی، معبد بن خلیل تمیمی مزنی،  محمد بن معبدبن خلیل تمیمی مزنی۔   اوکان پد پین چندیک بریرہ قوضہ کریسہ کیرہ آخیر ئٹ براہوئی قبیلہ ( بلوچ) نا میراحمدخان اول 1667ء  ئٹ مغل گورنر قندھار ءِ شکست ایتک و علاقہ غاتے تینا حکومت تون ہوار کیک۔   بلوچستان ئٹ حکومت کروکا بلوچ امیر و خان آک ہراتا پنک دا وڑ ئٹ ءُ:

1۔ میر میرو میرواڑی۔   2۔ میر عمر میرواڑی۔   3۔ میر بجار میرواڑی۔

4۔ خان میر حسن خان میرواڑی 1658ء.

5۔ خان میر احمد خان اول ۔ 1666 تا 1695ء.

6۔ خان میر محراب خان اول ۔  1695 تا 1697ء ۔

7۔خان میر سمندر خان  1697 تا 1714ء۔

8۔ خان میر احمد خان دوئم ۔ 1714 تا 1716ء.

9۔ خان میر عبداللہ خان۔  1716 تا 1731ء۔

10۔ خان میر محبت خان او  میر ایلتاز خان۔  1731 تا 1749ء۔

11۔ خان میر نصیر خان نوری ۔  1749 تا 1794ء۔ 

12۔ خان میر محمود خان اول۔ 1794 تا 1817ء۔ 

13۔ خان میر محراب خان دوئم شہید۔  1817 تا 1839ء۔

14۔ خان میر شاہنواز خان 1839 تا 1840ء۔ 

15۔ خان میر نصیر خان ثانی۔  1841 تا 1857ء ۔

16۔ خان میر خدائیداد خان ۔  1875 تا 1893ء۔ 

17۔ خان میر محمود خان ثانی 1893 تا 1931ء۔

18۔ خان میر اعظم جان۔   1931 تا 1933ء۔ 

19۔  خان میر احمد یار خان ۔   1933 تا 1948 ء. 

دا دور آتیٹی وڈ وڈ ئنا قصہ و واقعات آک ہریر ۔ داڑان بید ئس زبان آتا، وڈ وڈ ئنا علاقہ غاتا پنک، جہی آ بندغاتا کہ او امر تینا وخت ءِ گدریفیرہ،  ہرا قوم آک، تہذیب آک، مذہبی بندغاک و اوفتا زند، بلوچ و اوفتا زند ئنا ہمسایہ تا بارو ئٹ و پین بھاز وڑ ئنا واقعات و حالات آتے نوشتہ کرینے۔    تینا بلوچی حکومت نا ہرا امیر و خان آک انت کرینو  امر ءُ معائدہ مسنو ہرا حالات آتے تون مون تسنو۔ تینا بلوچی علاقہ غاتے امر نوری نصیر خان نا دور ئٹ اسٹ کریر پین ہندا بلوچی حکومت نا دور ئٹ ہرا پیشن نا جلہو کننگ نا کوشست کریر و خان تا دربار ئٹی امر ءُ بندغ ئسر یا انگریز امر داڑے جلہو کرے و بلوچ نا ہوفتا برخلاف انت  جت پت (مزاحمت) مسونے وغیرہ وغیرہ۔